كابتن محمود الدره Durrah IFBB Pro رمز صاعد بقوه في عالم كمال أجسام - اعرف بطل

محمود الدره هو بطل كمال أجسام المصري اللي إتحول من طالب في كلية الهندسة لبطل دولي محترف و مدرب و دايما ليه محاولات مستمره و بيعمل برامج مخصصة للناس لمساعدتهم بشكل كبيرفي التمرينات

الدره هو مش لاعب كمال أجسام  محترف بس ، و لكن هو محترف حياه وتجارب و خبرات و ده اللي يخلينا نقول إنه مش بس بطل في كمال اجسام لكنه بطل في الحياه والتجارب و عنده خبرات كتير دايما بيحاول يساعد الناس بيها  

الدره من مواليد سبتمبر 1986، قضي معظم حياتة في مصر و كان من محبي الكاريكاتير، أنيمي اليابانية،  طفولتة معظمها كانت بيقضيها ما بين حبه للرسم ، ومشاهدة التلفزيون. 

بعد نهاية مرحلة الثانوية، الدره كان مضطر لدخول كلية الهندسة بناء علي رغبة والده ولكن ده كان عكس رغبته و شغفه ، بعد  أول سنة  ليه في الجامعة قرر إنه هيتوجه للملاكمة و ده كان أفضل تفكير بالنسبة ليه بسبب عدم حبه لكلية الهندسه و إنه كان مهتم أكثر بلعب الملاكمة و كمال اجسام و بيستمتع بممارستهم.

في خلال سنوات دراستة في كلية الهندسة فاز الدره بعد محاولات كتيره ببطولة في كمال اجسام و أصبح الأول في تاريخ جامعتة بالفوز ببطوله في كمال اجسام ، بعد تخرجه سنه 2011 سافر إلي مسقط في عمان وكان بيشتغل في الوقت ده مهندس مبيعات إلا إنه رجع تاني يهتم بحبه وشغفه لكمال اجسام و قدر إنه يفوز ببطولة مواكنون عمان في سنة 2011 و يحقق إنجاز و نجاح جديد يحسب ليه.

الدره أثبت من خلال تجربتة و قصة حياته إن مفيش مستحيل و إنه بطل حقيقي بعد تعرضة لحادث دراجة نارية و إصابتة وعمل جراحة بالكتف وبعد ما سمع كلام سلبي و إتقاله كتير جدا إنه مش هيكون قادر يكمل لعب ملاكمة  تاني ولكن هو مستسلمش للكلام السلبي و الإحباط و بعد سنة واحده بس بدأ الدره في المنافسة بقوه في كمال اجسام  من تاني علشان يرجع أقوي من الأول ، دايما رجوع الدره  لكمال اجسام كان الحل الأفضل اللي بيخرجه من أزمات كتيرو بيساعده إنه يخرج و يعدي من فترات إكتئاب و ظروف صعبة مر بيها في مراحل مختلفة من حياته و بعد مروره بفترة إكتئاب طويلة كان أفضل خبر سمعه إنه هيهاجر لكندا و هيقدر ينافس في بطولات كمال اجسام و يحقق حلمه 

أغسطس 2012 كانت نقطة تحول في حياة محمود الدره بفوزه بالجنسية الكندية كوزن متوسط من المحاولة الأولي و رغم إصابته في ضهره قدر إنه ياخد كارت الإحتراف و يتغلب علي إصابتة و كل الكلام السلبي اللي كان بيسمعه و يثبت تفوقه و إجتهاده و إصراره إنه يحقق حلمه.

بطولات محمود الدره Durrah IFBB Pro ؟

محمود الدره هو مشوار بطل حقيقي و ده بيثبته لينا من خلال بطولات كتيره 

2006 ، 2007 ، 2008 ، 2009 بطولة الجامعات المصرية 

2011 بطولة مواطنون عمان 

2012 بطل الوزن المتوسط بكندا 
2015 بطل الوزن المتوسط بكندا
2016 بطل بطوله  Ben Weider Legacy Cup 
2017 حصوله علي كارت الاحتراف من  Ben Weider Legacy Cup
2018 مركز رابع في بطوله New York Pro 
2018 مركز ثالث في بطوله Toronto Pro
2018 مركز اول بطوله Vancouver Pro
2018 مركز 16 في بطوله Mr. Olympia

mahmoud Durrah 2010