ممكن تكون تخين وعندك كرش وترهلات في اماكن مختلفه في جسمك بس دا كله مش بيضايقك بقدر مضايقتك من " ترهلات الصدر " ، لأن ترهلات الصدر بتحرمك من متع كتير في الحياه وأولهم أنك مش بتقدر تلبس اللبس اللي أنت حابه في فصل الصيف ، الي جانب مش بتقدر تلبس مايوهات عاديه ودايما طول الوقت بتتحرج من نفسك قدام اي شخص غريب ، ومهما أكيد حاولت تلبس لبس يداري ترهلات الصدر مش هتتداري الي جانب أن هتكره منظر صدرك في اللبس ، والحاله دي بتسمي " الجينو التثدي " أو بمعني أخر " الجينو ماستيا " وهي الحاله المعروفه دوليا بأن الحلمات عند الذكر بتكون منتفخة وبيظهر الثدي بشكل كبير ، وسجلت حالات كتيرة أن الجينو التثدي مش بتصيب بس الأشخاص المصابين بالسمنه ولكنها بردو ممكن تصيب الشخص النحيل .
وبالتأكيد كل عقده وليها حلال ، فالجينو التثدي أو الجينو الماستيا ليه طرق كتيره جدا تقدر تتخلص بيه عن طريقها وهما ( تمارين شد الصدر العلوي والسفلي ) ، ولكنك في البدايه قبل ما تعرف إزاي تتخلص من المشكله لازم تعرف نوع المشكله اللي بتعاني منها وحالتك وصلت لإية بالظبط .
1_ نوع المشكله في أنتفاخ صدرك : هل مثلا أنت بتعاني من أنتفاخ الصدر بسب تراكم دهون في المنطقه دي ، ولا بسب مشكله التثدي جينوماستيا وهنقدر نعرف دا بسهوله عن طريق أنك تعرف أولا نسبه الدهون في جسمك واصله لكام ، فلو كانت نسبه الدهون أعلي من 25% فبالتأكيد سبب ظهور الأنتفاخ هو تراكم كمية كبيرة من الدهون في المنطقه دي ، أما لو كانت نسبه الدهون أقل من 20% فدا بالتأكيد بسب " الجينو التثدي " ، وهتقدر تحسب نسبه دهون ببساطه في المقال التالية علي موقعنا " Champions " ، وتقدر من خلال الصوره دي ببساطه تعرف نسبه الدهون في جسمك وتحدد نوع المشكله .
2_ وتقدر تحدد نوع المشكله بطرق أخري سهله جدا بدون ما تحسب نسبه الدهون في جسمك وهي : أنك تمسك حلمه الصدر وتبدأ تحرك أصبعك عليها بشكل دوراني ، ولو شعرك أن الحلمه بتتحرك معاك بشكل بسيط ومفيش أي حاجه صلبه بتوقفك يبقي كدا معناه أنك بتعاني من الدهون فوق 25% ، أما لو شعرت بكائن صلب وجامد تحت أيدك وبيتحرك معاك فدي للأسف " الجينو التثدي " . وبطرق سهله وبسيطة هنقدر نخلصك من الدهون أو الجينو التثدي عن طريق الأتي :
أ _ التخلص من ترهلات الصدر لو كنت بتعاني من دهون زياده : من المستحيل لأي شخص أنه يركز علي منطقه واحده ويخسسها سواء بقي لو أتبع رجيم قاسي أو تمارين رياضية شديدة ، ولكنه لازم يشتغل علي العضله كلها ويبدأ بحرق دهون جسمه كلها ويحسب السعرات الحراريه المختلفه وهتقدر عن طريق المقال تحسب سعراتك ببساطه ، وهتقدر تحرق دهون جسمك عن طريق نظام غذائي سليم تتبعه وتمارين رياضية خاصه بالعضله العلويه في الصدر والعضله السفليه والمقال دا هيساعدك كتير في بداية تمارينك لعضله الصدر .
ب _ أما بالنسبه للجينو التثدي : فهتقدر تتخلص منة عن طريق عدة تمارين رياضية مصصمه بالكامل للقضاء علي الجينو وتظبيط شكل الحلمه في الصدر والتمارين دي معتمده علي الحديد والكارديو ، ولازم تكون متأكد أن رفع الحديد وخاصة الأوزان الكبيره لة دور كبير في شد صدرك وبناء العضلات الأمامية . والتمارين دي مقسمه الي تمارين شد صدر علوي وتمارين شد صدر سفلي :
1_ تمارين شد الصدر العلوي :
مكونه هذه التمارين من 3 تمارين مهمه جدا وهما ، تمرين الفراشة بالدامبل ، تمرين تمرين الضغط المائل ، تمرين ضغط بالدامبل .
أ_ تمرين الفراشة بالدامبل : هتقدر تقوم بالتمرين دا في الجيم عن طريق أنك تقعد علي جهاز التفاتيح ، وترجع ضهرك للخلف وتمسك الدامبل وتشدة بذراعيك الأتنين وفايدة تمرين التفاتيح أو الفراشة كما يطلق عليه أنه بيساعد في بناء العضله الأمامية بشكل صحيح وفردها .
ب_ تمرين الضغط المائل : هتقدر تقوم بيه في البيت بسهوله عن طريق أنك تثبت قدميك علي شئ قوي وتبدأ تعد ضغط لـ 15 عدة ، وتقدر تقوم بالتمرين دا لـ 3 مرات في اليوم الواحد .
جـ : تمرين الضغط بالدامبل : أعمل التمرين دا علي الدكة المائله في الجيم وأمسك بالدامبلز في أيدك الأتنين وأبدا حركهم للأعلي ببطء ثم للأسفل وهكذا .
2_ تمارين شد الصدر السفلي : بتتكون من 3 تمارين مهمه جدا للتخلص من ترهلات الحلمه وترهلات الصدر وهما ( التفاتيتح علي بنش مائل للأسفل ، ضغط البنش المائل للاسفل ، جهاز المتوازي )
أ- الدمبلز علي بنش مائل للاسفل : هتقوم بالتمرين دا في الجيم عن طريق جهاز البنش المائل للأسفل وتمسك الدمبلز بأيدك الاتنين وتبدأ في السحب ببطء وهتكرر التمرين من 10 لـ 15 عدة .
ب_ ضغط البنش المائل للأسفل : ببساطه هتقوم بيه عن طريق حمل أوزان تقيله ورفعها وأنت علي البنش المائل للأسفل للأعلي .
جـ : المتوزاي : هتقوم بالتمرين دا عن طريق جهاز المتوازي في الجيم وهتقدر تقوم بيه لـ 10 عدات .