تليف العضلات والحلول المثلي للحمايه منه

 مشكلة تليف العضلات

تليف العضلات والحلول المثلي للحمايه منه

لو دايما  بتحس ان في الم شديد في عضلات جسمك بعد اي مجهود بسيط جدا او بتحس ساعات ان مفاصلك والاربطه بتوجعك في اي حركه بسيطة ودا مخليك مبتقدرش تنام... يبقي تاخد بالك في الي جاي 

تليف العضلات مشكله كبيره ممكن ان معظم الناس يكون غافل عنها ومش عارف انها ممكن تكون السبب في انها تمنعه من ممارسه حياته بشكل طبيعي .. خلينا نتعرف عليها 

 ماهو تليف العضلات؟ 

تليف العضلات

مبدأيا . جسمنا فيه كذا نوع من الانسجة .. الي يهمنا في موضوعنا منهم نوعين ....اول حاجه النسيج الليفي ودا بيبقي قليل جدا في الجسم وبيتميز انه قوي وصلب ومرونته قليله زي مثلا الاوتار الي في جسمنا دي انسجه ليفيه... والنوع التاني هو النسيج العضلي ودا مهم جدا اللي بسببه الجسم بيتحرك

طيب ايه تليف العضلات بقا؟ تليف العضلات هو ان النسيج العضلي دا يفقد مرونته ويتصلب تدريجيا بحيث ان تليف العضلات دا بيخليك مع كل نشاط تحس بألم جامد جداا بسبب قله المرونه
المرض دا شائع اكتر بين النساء لانهم بطبيعتهم عضلاتهم ضعيفه ف هم معرضين اكتر للمرض دا بالذات في سن اليأس من بين 35:55 سنة وبيسبب للمريض الام جسديه ونفسية

كتيير

طيب كدا عرفنا ايه هو تليف العضلات.. امتي اقدر اشك في اني عندي تليف عضلات؟ الاعراض الجايه دي هي الاساس 

:اعراض تليف العضلات

تليف العضلات 

او حاجه تخليك تشك في انك بتعاني من تليف العضلات هو الالم الموجود في عضلات جسمك اثناء اي نشاط .. والام المفاصل زي مفصل الرقبه والكتف ووجع اثناء حركه فقرات الضهر والام في منطقه الحوض... وفي اماكن حساسه جدا في الجسم تقدر تعرف منها مرض تليف العضلات زي مثلا مفصل المرفق والفخذ ومؤخره الرأس . وفي الاماكن دي بتكون حساسه جدا للضغط

في كمان عرض من اعراض تليف العضلات هو ان المريض بيبقي دايما عنده احساس بالتعب والارهاق العام... كمان فقدان التركيز والتوتر .. وتنميل في الاطراف

طيب اي الي يوصلنا لكدا؟ ايه هي اسباب تليف العضلات؟

:أسباب مرض تليف العضلات

تليف العضلات والحلول المثلي للحمايه منه

بعد ابحاث كتير اتعملت في المجال دا العلماء مش لاقيين سبب مباشر لتليف العضلا بس في تقارير بتقول ان زياده

Substance b

ودي ماده موجوده في النخاع الشوكي للعظام ليه دور في تليف العضلات .. كمان تدني مستوي السيرتونين في الجسم ودا ناقل عصبي وهرمون مهم .. كمان اصابات الجهاز العصبي ليها دور في تليف العضلات

كدا فهمنا السبب .. طب نتلافي خطر تليف العضلات ازاي ونعالجه ازاي ؟

اول حاجه اننا نتجنب التوتر والضغط النفسي .. وممارسه الرياضه عشان نحافظ علي الصحه والرشاقه للجسم وكمان التغذيه السليمه وللعلم .. في مرض تليف العضلات بالذات .. الوقايه افضل كتييير من الف علاج