ياترى بتتعلم كمال الأجسام هواية ولا علشان الإحتراف ؟ لو هواية انت بتروح الجيم وبتمارس تمارين مختلفة وبتظبط جسمك وبينتهى الموضوع , طب لو إحتراف تابع معانا المقال علشان تعرف إزاى تبقى بطل وتكسب بطولات محلية وعالمية كمان .
طبعا كلنا عارفين إن رياضة كمال الأجسام من أهم وأعظم وأشهر الرياضات الموجودة فى عالمنا ودا بسبب هدفها اللى هو تطوير صحة اللاعب وكمان علشان بتعلم كل لاعب أخلاقيات مهمة جدا . ورياضة كمال الأجسام تعتمد على رفع الأوزان التقيلة اللى بتقوى عضلاتنا وأعصابنا ودا بيدى جسمنا شكل رياضى منحوت وعضلات مفتولة وقوية, تمام كدا ؟
أى واحد بيمارس تمارين كمال أجسام وعايز يبقى بطل لازم يشترك فى نادى رياضى علشان يروح كل يوم وميكسلش وكمان علشان يعرف يمارس كل تمارينه ويتعرف على ناس رياضيين زيه ليهم هدف واحد وتجربة مشتركة وبالتالى هيستفيد منهم وينموا عنده الروح الرياضية أكتر وطبعا لازم يحافظ على نومه .
أى لاعب كمال أجسام لازم يمارس تمارينه بشكل منتظم ويقيس عضلات جسمه ووزنه ويشوف تمرينه بيفرق معاه ولا ايه وطبعا لازم يكون عنده صبر وهدف وعزيمة علشان يعرف يحقق حلمه .
أخر حاجة هنتكلم فيها النهاردة إيه هى أوضاع الإستعراض وكم عددها وإيه أهميتها بالنسبة ليا كالاعب؟
رياضة كمال الأجسام هدفها بناء عضلات قوية بس هى رياضية بتعتمد برضه على قدرة اللاعب إنه يعرف يستعرض عضلاته دى بشكل كويس على المنصة أثناء البطولات المختلفة لإن وارد جد ان حد يكون كويس كعضلات ويخسر بسبب انه مش بيعرف يجيد مهارة الإستعراض .
ايه هى أوضاع الإستعراض السبعة ؟
طبعا البطولة مش بتقتصر على الجولة الأولى ( الأوضاع السابعة ) فيه جولة تانية (الإسترخاء ) اللى فيها اللاعب بيقف مسترخيا ومش بيشد عضلاته خالص بس بيفرد زراعيه وأهمية الجولة دى إظهار تناسق الجسم .
و الجولة التالتة (جولة اللاعب ) يعنى دى جولة متوقفة على ابداع اللاعب فى انه يظهر تناسق عضلاته وضخامتها ومراحل التنشيف اللى وصلها.
أخر جولة هى (جولة خاصة للنهائيات ) اللاعبية اللى حصلوا على أول 5 مراكز فى المسابقة دى جولتهم وبيكون الإستعراض فيها جماعى وبيتم التقييم النهائى وإعلان الفائز .
