الجلوتامين واحد من أهم المكملات الغذائية الأساسية للاعبى كمال الأجسام والفيزيك والفتنس .
طب إيه هو الجلوتامين ؟
الجلوتامين دا حمض أمينى وله أهمية كبيرة جدا فى تصنيع البروتين فى جسمنا وبيدخل فى تكوين حوالى 60 % من الكتل العضلية ونفهم من كدا إن الجلوتامين موجود بشكل طبيعى فى الجسم وكمان الجلوتامين موجود فى الأطعمة الغذائية المختلفة زى اللحوم والأسماك والبيض واللبن والجبن والبقدونس والعدس والفول والسبانخ .
حاجة مهمة جدا لازم نعرفها وهى علشان نستفاد الإستفادة القصوى من الجلوتامين اللى موجود فى السبانخ والبقدونس المفروض ناكل كل يوم كيلو سبانخ على الأقل ويكون فيه فراخ وسمك ودا طبعا مش هينفع فبتيجى بقى أهمية الجلوتامين كمكمل غذائى .
طب إيه أهمية الجلوتامين بالنسبة للاعبى كمال الأجسام ؟
لاعب كمال الأجسام لما بيتمرن تمارين كتير ومكثفة فالأنسجة العضلية عنده بتخرب وبترجع تتجدد تانى خلال 3 أيام عن طريق النوم والأكل لكن لما بناخد الجلوتامين فدا بيسرع تجدد الأنسجة العضلية اللى باظت ودا بنسميه بإسم الإستشفاء العضلى.
الجلوتامين بيقوى الجهاز المناعى فى جسمنا وكمان مصدر مهم جدا من مصادر الطاقة بعد الجلوكوز وبيستخدم فى بناء العضلات وتقويتها ودا بيفيد كمال الأجسام.
الجلوتامين عنصر أساسى فى حرق الدهون ودا طبعا حاجة مهمة جدا فى بناء العضلات وبالتالى بيفيد لاعبى الرياضات المختلفة زى كمال الأجسام والفيزيك .
الجلوتامين بيقوى أعضاء الجسم على انها تتحمل التعب والمجهود الزيادة .
إيه الكميات اللى المفروض لاعب كمال الأجسام ياخدها من المكمل الغذائى (الجلوتامين)؟
أى لاعب كمال أجسام المفروض ياخد حوالى 30 جرام بس من الجلوتامين وياخدهم على كذا جرعة خلال اليوم وفى فترات مختلفة يعنى الصبح قبل التمرين او بعده وقبل النوم بالليل .
